ကျွန်တော် ငယ်ငယ်က ဖြစ်သည် ။ ကျွန်တော့်တွင် အရုပ်ကလေးတစ်ရုပ် ရှိပါသည် ။ ထိုအရုပ်ကလေးကို ဘယ်သူဝယ်ပေးမှန်း မမှတ်မိတော့ ။ သို့သော် ကျွန်တော် မှတ်မိသည်က ကျွန်တော့်တွင် အရုပ်ကလေးတစ်ရုပ် ရှိခဲ့ဖူးသည် ။
ထိုအရုပ်ကလေးတွင် အတ္တ မရှိပါ ။ မာန မရှိပါ ။ အချစ် ၊ အမုန်း ၊ ဒေါသ ၊ မောဟ ၊ ဘာဆိုဘာမှ မရှိပါ ။ သို့သော် ထို အရုပ်ကလေးသည် ကျွန်တော့်အတွက် ကမ္ဘာငယ် တစ်ခု ဖြစ်သည် ။ ထိုအရုပ်ကလေးနှင့် အတူ ကျွန်တော် နံနက်ခင်းများစွာ နိုးထသည် ။ ထိုအရုပ်ကလေးနှင့် အတူ ကျွန်တော် ညပေါင်းများစွာ ကုန်လွန်သည် ။ ထိုအရုပ်ကလေးနှင့်အတူ ကျွန်တော် နေ့ရက်များကို ကျော်ဖြတ်ခဲ့သည် ။
ကျွန်တော် မသိလိုက်မိသည်က ကျွန်တော်၏ အချိန်တချို့ ကို သူ့ အတွက် မသိမသာ ပေးခဲ့မိသည်ကိုပင် ။ ကျွန်တော်ကိုယ်တိုင် ကျေနပ်စွာဖြင့်ပေါ့ ။
သည်လိုနဲ့ ကျွန်တော် ကြီးပြင်းလာသည် ။ နစ်ရှေး၏ ၀ါဒ တချို့ ကို ခုံမင်လာသည် ။ မာယာကော့စကီး၏ ဘောင်းဘီဝတ် မိုးတိမ်များကို နမ်းရှိုက်တတ်လာသည် ။ မန်ချက်စတာယူနိုက်တက် အသင်းကို အားပေးတတ်လာသည် ။ လမ်းထိပ် အုတ်ခုံတွင် သူငယ်ချင်းများနှင့် ဂစ်တာတီးတတ်လာသည် ။ တခါတလေ ကွယ်လွန်သွားသော အမေ့ကို သတိတရ ရှိတတ်လာသည် ။ အွန်လိုင်းကွန်ယက်ပေါ်တွင် မိန်းကလေးများနှင့် ချစ်တမ်း ကစားတတ်လာသည် ။ ဟိုက္ကူကဗျာတချို့ ကို နံနက်ခင်းစာအဖြစ် စားသုံးတတ်လာသည် ။
ကျွန်တော့် ဘ၀ထဲတွင် အရုပ်ကလေးကို မေ့မေ့ပျောက်ပျောက် ဖြစ်လာသည် ။ သူ ဘယ်မှာလဲ ကျွန်တော် မသိတော့ ။ သူ ဘယ်ရောက်နေလဲ ကျွန်တော် စိတ်မ၀င်စားမိတော့ ။ အခုလက်ရှိတွင် ကျွန်တော့်အတွက် အရေးကြီးသည်က ( _____ ) သာ ဖြစ်သည် ။ ထို့ကြောင့် အရုပ်ကလေးကို ကျွန်တော့် စိတ်အာရုံထဲတွင်ပါ မရှိတော့အောင် မေ့ထားခဲ့သည် ။ သူ့ အလိုလို မေ့သွားခြင်းလည်း ဖြစ်ကောင်းဖြစ်နိုင်သည် ။
ကျွန်တော်၏ အရုပ်ကလေးသည် ဘိုမရုပ် လှလှလေး တစ်ရုပ်သာ ဖြစ်ချေသည် ။ မျက်တောင်ကော့လေးများ ၊ အပြာရောင် မျက်ဝန်းလေး နှင့် ချစ်စဖွယ် ဆံနွယ် ရွှေအိုရောင် ကောက်ကောက်လေးများကို ပိုင်ဆိုင်သည် ။
တစ်နေ့ ...................
................................
................................
ထိုတစ်နေ့သည် ပိုးနှံကောင်တစ်ကောင်၏ ခြေခင်းလက်သာ နေ့တစ်နေ့ ဖြစ်နိုင်သည် ။ သို့တည်းမဟုတ် ဘုရားသခင် ပျောက်ကွယ်သွားသော နေ့တစ်နေ့လည်း ဖြစ်နိုင်သည် ။ သို့တည်းမဟုတ် နယူတန်ကို မွေးဖွားခဲ့သော နေ့တစ်နေ့လည်း ဖြစ်နိုင်သည် ။ မည်သို့ပင်ဖြစ်စေ .. ထို တစ်နေ့သို့ ကျွန်တော် ရောက်ရှိလာသည် ။ တမင်တကာ ရည်ရွယ်ပြီး ရောက်ရှိလာခြင်း မဟုတ်သော်လည်း ထိုတစ်နေ့သို့ ကျွန်တော် ရောက်ရှိလာသည် ။
ထိုနေ့တွင် ကျွန်တော့်ဘေး၌ ကောင်မလေးတစ်ယောက်ရှိသည် ။ ကျွန်တော့်ကောင်မလေး ဟု သတ်မှတ်လျှင်ရနိုင်သော်လည်း ကျွန်တော်ကတော့ ကျွန်တော့်ကောင်မလေးဟု မသတ်မှတ်ပါ ။ ဘာကြောင့်ရယ် ဟု အကြောင်းပြချက် ပေးခိုင်းလျှင်လည်း ပေးရန် အကြောင်းပြချက် မရှိပါ ။ ထိုနေ့တွင် ကျွန်တော့်ဘေး၌ ကောင်မလေးတစ်ယောက်ရှိသည် ။ သူမက ကျွန်တော့် ရင်ခွင်ထဲတွင် မှီတွဲလျှက် တစုံတခုကို တီးတို ပြောဆိုနေလေသည် ။ သူမ ဘာပြောသည်ကို ကျွန်တော် မကြားမိ ။ ကျွန်တော် တွေးနေသည်က တစုံတခုသာ ဖြစ်သည် ။ ( ဘာလဲတော့ ကျွန်တော်လည်း မသိ ) ။ ထိုကောင်မလေးက ကျွန်တော့်အား တစ်ခုခု မေးလိုက်ဟန် ရှိသည် ။ ကျွန်တော့်ထံမှ အဖြေကို မျှော်လင့်နေဟန်ဖြင့် ကျွန်တော့်အား စိတ်ဝင်တစား မော့ကြည့်နေသည် ။ ကျွန်တော် ဘာမှ ပြန်မဖြေမိ ။ မဖြေချင်၍ သော်လည်းကောင်း ၊ အဖြေမရှိ၍ သော်လည်းကောင်း ၊ ဘာဖြေရမှန်း မသိ၍သော်လည်းကောင်း ဖြစ်နိုင်သည် ။
ထိုစဉ် ..........
အရုပ်ကလေး ...
ကျွန်တော်၏ အရုပ်ကလေးကို တွေ့ ရှိလိုက်သည် ။ သက်မဲ့အရုပ်တော့ မဟုတ် ။ သက်ရှိအရုပ်ဖြစ်သည် ။ ကျွန်တော့် အရုပ်ကလေးက တယ်ရီယာခွေးလေးတစ်ကောင်ကို ကြိုးဖြင့်ဆွဲ၍ ကျွန်တော်တို့ ရှေ့ မှ ဖြတ်လျှောက်သွားခြင်း ဖြစ်သည် ။ ကျွန်တော် တခဏ အိုင်ဖဲလ် မျှော်စင်ပေါ် ရောက်သွားသည် ။ စစ်အေးတိုက်ပွဲ ( Cold Wars ) များ အကြား ရောက်သွားသည် ။ ကျွန်တော်တို့ လမ်းထိပ်မှ အကြော်တဲလေးဆီ ရောက်သွားသည် ။ အမည်နာမ ဖော်ညွှန်း၍ မရနိုင်သော တစ်နေရာဆီသို့ ရောက်သွားသည် ။ ကျွန်တော့် မျက်လုံးထဲတွင် ၊ ကျွန်တော့် အမြင်ထဲတွင် ဘာမှ မရှိတော့ ။ ကျွန်တော့် ရင်ခွင်ကို မှီတွဲထားသော ကောင်မလေးလည်း မရှိတော့ ။ ကျွန်တော်တို့ ပတ်ဝန်းကျင်ရှိ ခုံတန်းလျားလေးလည်း မရှိတော့ ။ ဘာဆိုဘာမှ မရှိတော့ ။
အပြာနုရောင် ဂါဝန်လေးကို ၀တ်ထားသော မျက်ဝန်းပြာပိုင်ရှင် အရုပ်မလေးသည် မိုးကောင်းကင် ပြာပြာအောင်တွင် အနှိုင်းမဲ့ လှ၍နေသည် ။ ရွှေအိုရောင် ဆံနွယ်စတို့က လေအဝှေ့ တွင် မနာလိုချင်စရာကောင်းလောက်အောင် လူးလွန့်နေသည် ။ ဂါဝန် အနားစတို့ လှုပ်ခတ်သွားသည်ကပင် ချစ်စရာကောင်းနေသည် ။
ကျွန်တော့်စိတ်တို့ကို ထိန်းချုပ်ထားသည့် ကြားကပင် လွတ်ထွက်သွားသည် ။
ကျွန်တော့် ရင်ခွင်တွင်းမှ ကောင်မလေးကို တွန်းချပစ်ခဲ့မိသည် ( ထင်သည် ) ။
ထို့နောက် ..
ထို့ ........ နောက် ...
ကျွန်တော် အရုပ်မလေးဆီသို့ သတိလက်လွတ် ပြေးထွက်သွားမိတော့သည် ။
..........................................................................................................
..........................................................................................................
..........................................................................................................
..........................................................................................................
..........................................................................................................
..........................................................................................................
........................................ အ ..................................................................
................................................. ရုပ် ........................................................
.......................................................... မ .................................................
................................................................ လေး ......................................
........................................................................... ရေ ..............................
................................................................................................................
......... ငါ့ ..................................................................................................
................. ဆီ .........................................................................................
......................... ပြန် ...............................................................................
.................................. လာ .....................................................................
............................................ ခဲ့ ..............................................................
................................................... ပါ .......................................................
.......................................................... ကွာ .............................................
...............................................................................................................
...............................................................................................................
...............................................................................................................
...............................................................................................................
...............................................................................................................
Sunday, July 19, 2009
Subscribe to:
Post Comments (Atom)
0 မှတ်ချက်များ:
Post a Comment