Pages

Subscribe:
Showing posts with label အက်ဆေး. Show all posts
Showing posts with label အက်ဆေး. Show all posts

Thursday, March 29, 2012

အလေအလွင့်ဓားချက်များ နဲ့ ကိုခရမ်း

ဝေးကွာခြင်းလမ်းမတွေကို အနီးကပ်ဆုံးဖြစ်အောင် ချုံ့လိုက်ကြမယ် ။

မိတ္တူစက်တစ်လုံး လိုကောင်းလိုလိမ့်မယ် ။ နေ့တစ်နေ့အတွက်

နားခိုရာ ၊ အိပ်စက်ရာ ၊ ကုတင်ခြေရင်းဆီရောက်တဲ့အထိ ၊

ကျွန်တော်တို့ရဲ့ စိတ်တွေကို ချုံ့ထားလိုက်ကြမယ် ။

ဟင့်အင်း ၊ ကျွန်တော် အိမ်မပြန်ချင်သေးဘူး ။ သူငယ်ချင်းတွေနဲ့ ၊

ကဗျာဆရာတွေနဲ့ ၊ သူငယ်ချင်းကဗျာဆရာတွေနဲ့ ၊ ကဗျာဆရာ

သူငယ်ချင်းတွေနဲ့ ၊ လမ်းလေးဆယ်ထိပ်မှာ ၊ ပိတောက်ရိပ်မှာ ၊

ဟန်နီမှာ ၊ မက္ကဆီကန် ညနေခင်းမှာ ၊ ထိုင်ချင်သေးတယ် ။

ကဗျာတွေ ရွတ်နေချင်သေးတယ် ။ ကဗျာရေးရာ ၊ ကမ္ဘာရေးရာ

စသည်ဖြင့် ကြီးကြီးကျယ်ကျယ် အော်ဟစ်နေချင်သေးတယ် ။

ဒီည ဒီခန္ဓာကိုယ်ကို ဒီမှာပဲ အသေကောင်တစ်ကောင်လို

မြှုပ်နှံပစ်လိုက်ချင်တယ် ။ ဒါမှမဟုတ် ဆက်လက်ရှင်သန်အောင် ၊

စိုက်ပျိုးထားလိုက်ချင်တယ် ။



စဉ်းစားကြည့်ကြပါစို့ ။ ကျွန်တော်တို့ရဲ့ ရင်ဘတ်ထဲက နှလုံးသားကို

ထုတ်ပစ်လိုက်ကြပါစို့ ။ ညဘက်အလုပ်ဆင်းလာမယ့် အိမ်ဖော်

မိန်းမငယ်တစ်ယောက် ၊ ခိုးသားဓားပြတစ်ယောက် ၊ လူလေလူလွင့်

တစ်ယောက် ၊ ရဲအရာရှိတစ်ယောက် ။ သူတို့ရဲ့ လုပ်ငန်းဆောင်တာတွေကို

နှလုံးသားနဲ့ လုပ်ဆောင်ခဲ့ကြတာလား ၊ ၀တ္တရားအတွက် လုပ်ဆောင်ခဲ့ကြတာလား ။

ကျွန်တော်တို့ရဲ့ ရင်ဘတ်ထဲမှာ နှလုံးသားတွေ မရှိတော့ဘူး ။ ကျွန်တော်တို့ဟာ

ထိန်းချုပ်ခံယန္တရားစနစ်ထဲမှာ ၊ စနစ်တကျလည်ပတ်နေတဲ့ စက်ရုပ်တွေ ။

အမေ .. ကျွန်တော့်အိမ်ပြန်ချိန်ကို စောင့်မနေနဲ့တော့ ။ အယ်လ်ကိုဟောနံ့

သင်းပျံ့နေတဲ့ ကျွန်တော့်ပါးစပ်က ၊ အမေ့အတွက် ချွေးသိပ်စရာ

တစ်လုံးတစ်ပါဒမျှ ထွက်ကျလာဖို့မရှိဘူး ။ သားဆိုးတစ်ယောက်အတွက်

အမေ့ဂုဏ်သရေတွေ ညှိုးနွမ်းခဲ့ရပြီ ။ စိတ်မချလက်မချပဲ အိပ်ပါတော့ မေမေ ။



ညဟာ ပုံမှန်ထက်ပိုတဲ့ မှောင်မိုက်ခြင်းမျိုးနဲ့ ၊ တိတ်ဆိတ်မှုဟာ ပိုမို

ကြီးထွားလာတယ် ။ မကောင်းမှုဒုစရိုက်တွေ ထင်ရှားရာအဖြစ် ပိုမို

ကြီးထွားလာတယ် ။ အကြောက်တရားတွေကို စပေ့စ်တစ်ခုနဲ့

ဖုံးအုပ်ထားလိုက်ကြမယ် ။ ပြဿနာဆိုတာတွေကို ခေါင်းချင်းဆိုင်ပြီး

တေ့ပေးလိုက်ကြမယ် ။ ကျွန်တော်တို့ရဲ့ ခုတင်နံဘေးက စားပွဲမှာ ၊

ဖုန်တက်နေတဲ့ အံဆွဲတချို့ ရှိကောင်းရှိလိမ့်မယ် ။ ဒါမှမဟုတ်

ဆေးလိပ်သောက်ခြင်းသည် ကျန်းမာရေးကို ဆိုးရွားစွာ ထိခိုက်စေနိုင်ပါသည်

စာသား ၊ ဆိုးရွားစွာ ပျက်ယွင်းနေတဲ့ အဆုတ်ပုံ ကပ်ထားတဲ့

ငါးသုံးလုံး စီးကရက်ဘူး ရှိကောင်း ရှိလိမ့်မယ် ။ ကဲ .. ကျွန်တော်တို့ရဲ့

အဆုတ်တွေကို မီးခိုးငွေ့တွေနဲ့ ယဉ်ယဉ်ကျေးကျေး ဖုံးအုပ်လိုက်ကြစို့ ။



ခင်ဗျားသွားနေတဲ့ ဘ၀ခရီးမှာ လေယာဉ်ပျက်ကျသွားမယ် ၊ ဆိုပါစို့ ။

ခင်ဗျားရင်ဘတ်ထဲက အသက်ထက်ဆုံးစာချုပ်ကို မီးရှို့ဖျက်ဆီးပစ်လိုက်မယ် ၊

ဆိုပါစို့ ။ သဘောထားမတိုက်ဆိုင်ခြင်းတွေ ၊ အိမ်ထောင်ပြိုကွဲမှုတွေဟာ

လူမှုရေးနယ်ပယ်ရဲ့ ကန့်လန့်ကာနောက်ကွယ်မှာ ဒုနဲ့ဒေး ။ ချစ်ခြင်းမေတ္တာပြီးရင်

ဘာကို တန်ဖိုးအထားဆုံးလဲ ။ လူမှုဆက်ဆံရေးဟာ ဆစ်ဖလစ်ရောဂါ ဖြစ်နေတယ် ။

တဆစ်ဆစ်နဲ့ နာကျင်ကိုက်ခဲနေတယ် ။ တချို့က ဒိုင်ကြောင်တွေ ၊ ဒိုင်စားဂဏန်းတွေ

ရွတ်ကြတယ် ။ တချို့က အမေ့မျက်ရည်တွေ ခိုးထုတ်ကြတယ် ။ တချို့က

ပူလောင်မှုတွေကို ဖုံးအုပ်ထားကြတယ် ။ တချို့က ကျော်ကြားမှုတွေနဲ့ ကိုယ့်ကိုယ်ကို

ပိတ်လှောင်ပစ်လိုက်ကြတယ် ။ ကျေးဇူးတရားဟာ အချိန်ကြာလာတာနဲ့အမျှ

အေးခဲသွားတယ် ။ မာကြောချင်ယောင်ဆောင်ခြင်းက ပျော့ညံ့ခြင်းတစ်မျိုးပဲ ။

“တစ်”ကြိုး တစ်ချောင်း ပြတ်ရုံနဲ့ ဂီတက သေပြီတဲ့လား ။ လရောင်ရဲ့ဂီတဟာ

ခင်ဗျားတို့အတွက် သာယာနာပျော်ဖွယ်ဖြစ်ပါစေ ။



စာအုပ် လေးငါးအုပ် ဖတ်မယ် ။ ကြယ်တွေကို ငေးမယ် ။ သူရောက်လာမယ် ။

စက္ကန့်ပိုင်းအတွင်း လွန်လေပြီးသော နှစ်ကာလများဆီ ပြန်ရောက်သွားမယ် ။

သက်တန့်တံတားပေါ်မှာ ၊ ဧရာဝတီကို ဘယ်သူ နှုတ်ဆက်လိုက်သလဲ ။

မုန်တိုင်းခတ်သံတွေကြားတယ် ။ ကောင်းကင်တံခါးကို ဆွဲဖွင့်လိုက်တာနဲ့

ဖြူစင်နူးညံ့ခြင်းတွေ ပြိုကျလာတယ် ။ ကိုခင်ဝမ်းရော ဘယ်လိုလဲ ။

တောင်ကုန်းလေးတစ်ခုပေါ်မှာ နှင်းဝေ ဝေနေတုန်းပဲလား ။

ဆယ်လမွန်ငါးတို့ ပြန်ချိန်ရောက်ပြီလား ။ တောင်ပေါ်မှာ အ၀ါရောင်ပန်းတို့

ပွင့်နေပြီလား ။ နှင်းဆီဖြူရဲ့ အဝေးမှာပဲလား ။ လပေါ် လမ်းလျှောက်နေဆဲပဲလား ။

ဒီလိုပဲ တိတ်တိတ်ဆိတ်ဆိတ် လွမ်းရပါတယ် ။ အို .. မောင်ဒီ ၊ သဘောတူရင်

ဝီစကီတစ်ပြားနဲ့ ၊ ခင်ဗျားနဲ့ကျွန်တော် ၊ ခင်ဝမ်းနဲ့ ဗန်ဂိုးအကြောင်း ဆက်ပြောမယ် ။

ကြယ်တွေစုံပြီလား ။ ဗင်းဆင့်သီချင်းကို ဆိုကြမယ် ။ ဆိုက်ပရက်စ်လမ်းကို

လျှောက်ကြမယ် ။ နားရွက်သုပ်တစ်ပွဲနဲ့ ၊ မိန်းမပျက်တစ်ယောက်နဲ့ ။





ဆူး ခ က် မ င်း

Saturday, July 31, 2010

ပြတိုက် ထဲ/ရှေ့ က အရုပ်

ပြတိုက် ထဲ/ရှေ့ က အရုပ်





သူမက ဓားတစ်ချောင်း ကမ်းပေးတယ် ။ မျက်ရည်တွေ “လွင့်” .. “လွင့်”

ကျလာလိုက်ပုံများ ။ ကျွန်တော် နှုတ်ခမ်းကို ကိုက်ထားမိသလား ။ ပထမဆုံး

အကြိမ် နမ်းခဲ့တုန်းကလိုမျိုး ပြန်ခံစားမိရတယ် ။ သူမက ဓားတစ်ချောင်းလို

“မြ” နေအောင် ပြုံးတယ် ။ ကြယ်တွေ အိပ်တန်းတက်တော့မယ် အရုပ်မ ရဲ့ ။

ကျွန်တော် ဓားသွေးကျောက်ပေါ် ကျောခင်း အိပ်လိုက်တယ် ။ ကျနော့်ကို

“သွေး” ပါ အရုပ်မ ရေ ။ သွေးတွေ ဖြိုင်ဖြိုင် ရွာတဲ့ထိ “သွေး” ပါ ။ ခင်ဗျားက

ပြတိုက်ထဲက အရုပ်မ ဖြစ်တယ် ။ အရင်စိတ်မျိုးနဲ့ဆို သူ နေရာမှာတင် ငိုချလိုက်

မိမှာ အမှန်ပဲ ။ ခုတော့ ကျွန်တော် မငိုဘူး အရုပ်မ ရေ ။ သူမက ပြတိုက်မှူးရဲ့

ထိန်းသိမ်းစောင့်ရှောက်မှုကြောင့် ဖုန်တစ်မျှင်မျှ ကပ်ငြိခြင်း မရှိ ။ ၀ံ့ဝံ့ကြွားကြွားလေး

လှနေတယ် ။ သူ ဘာလုပ်သင့်သလဲ ။ ကျွန်တော် မသိတော့ဘူး အရုပ်မရယ် ။

သူမ အရာရာ အဆင်ပြေပါစေ ။ ပြတိုက်မှူးက သူမကို တစ်နေ့နှစ်ကြိမ် ရေချိုးပေးတယ် ။

ကျွန်တော်က ယဉ်ကျေးမှု အငွေ့အသက် မကောင်းတဲ့ကောင် ဆိုတော့ ပြတိုက်

အပြင်ဘက်မှာပဲ နေတယ် ။ ဓားကို ပြန်သိမ်းထားလိုက်ပါ အရုပ်မရေ ။ သူမ ဓားတစ်ချောင်း

လို “မြ” နေအောင် ပြုံးပြန်တယ် ။ “သွေး” ပါ ။ ကျွန်တော့်ကိုယ်ထဲက ဗီဇအရိုင်းတွေ

“ပါး” သွားတဲ့ထိ “သွေး” ပါ ။ သူ အရူးတစ်ယောက်လို အော်ဟစ်နေတယ် ။

သူမ ကြားသလား ။ ပြတိုက် ပြူတင်းပေါက်တွေ ဖွင့်ထားပေးပါ ။ ကျွန်တော့် အသံစနစ်က

ပြတိုက်နံရံတွေကို ဖောက်ထွင်းသွားနိုင်မယ် မထင်ဘူး ။ လေလုံမိုးလုံ အခန်းထဲ

အရုပ်မ အသက်ရှူ ၀ပါ့မလား ။ ပြတိုက် ပြူတင်းပေါက်တွေ ဖွင့်ထားပေးပါ ။

အဲသည့် ဓားကို ကျွန်တော့် နောက်ကျောမှာ ၀ှက်ထားပေးပါ ။ သူ တောင်စဉ်ရေမရ

ရေရွတ်နေမိတယ် ။ သူမ သူ့နောက်နားမှာ ပုန်းလျှိုးကွယ်လျှိုး ရပ်ရင်း ပြုံးတယ် ။

ခင်ဗျား ဘယ်မှာလဲ အရုပ်မ ။ ပြတိုက်နံရံတွေပေါ် ပန်းချီကား တစ်ချပ်လို တွယ်ကပ်နေမှာလား ။

ဒါမှမဟုတ် ၊ ပါရီမြို့ရဲ့ အေးအေးချမ်းချမ်း ညနေခင်းမှာ ကော်ဖီဆိုင်ထဲ အေးအေးချမ်းချမ်း

ထိုင်နေမှာလား ။ ဒါမှမဟုတ် ၊ ခင်ဗျားရဲ့ မက်လက်စ အိပ်မက်တွေကို ရေလောင်းပေါင်းသင်

နေမှာလား ။ ဒါမှမဟုတ် ၊ ခင်ဗျား ဘယ်မှာလဲ အရုပ်မ ရေ ။ သူ့ အရုပ်မက ပြတိုက်မှာနေတယ် ။

ကျွန်တော်က ပြတိုက်ရဲ့ သန့်စင်ခန်းသာသာ ကျယ်ဝန်းတဲ့ အခန်းစုတ်လေးထဲ နေတယ် ။

သူ ပြတိုက်ရှေ့ အုတ်ခုံလေးမှာထိုင်ရင်း တစ်နေ့တာ ကုန်ဆုံးတယ် ။ ခင်ဗျားက ပြတိုက်ထဲ

(ပြုံးပြုံးလေး) ခါးထောက် ရပ်နေတယ် ။ ပြတိုက် ပြူတင်းပေါက်တွေ ဖွင့်ထားပေးပါ ။

သူ ခင်ဗျားကို မတော်တဆ မြင်ရမယ့် တစ်နေရာရာကနေ ငေးကြည့်နေပါလိမ့်မယ် ။

ပြတိုက် ဘယ်အချိန် ပိတ်မှာလဲ လို့ ကျွန်တော် အရုပ်မကို မေးလိုက်တယ် ။

သူ ညည ဆို ခင်ဗျားကို သီချင်း ဆိုပြလိမ့်မယ် ။ ကျွန်တော် ဂစ်တာ မတီးတတ်ဘူး အရုပ်မရဲ့ ။

သူ သူမကို အိပ်မက်လှလှ မက်ပါစေလို့ ဆုတောင်းပေးတယ် ။ အရုပ်မ အိပ်ရင်ရော

ပြုံးနေတတ်လား ။ ခင်ဗျား ပြောလေ ။ ဟင့်အင်း ၊ သူ မသိဘူး ။ ကျွန်တော် မသိလို့ မေးတာပါ ။

အရုပ်မ ၊ ခင်ဗျား ဆံပင်တွေ အရမ်းလှတယ် ။ နောက်ပြီး သူမ မျက်နှာထားတင်းတင်း က တော်တော်

ကြည့်ကောင်းတယ် ။ ဟင့်အင်း မဟုတ်ဘူး ၊ မဟုတ်ဘူး ။ ကျွန်တော် သူမကို ငေးကြည့်နေချင်တာ

သက်သက်ပါ ။ သူ အရုပ်မကို ပိုင်ဆိုင်ဖို့ ကြိုးစားနေတယ် ။ ကျေးဇူးပြုပြီး ပြောပါရစေ ။

ကျွန်တော် ခင်ဗျားကို ချစ်တယ် ။ သူ သူမကို ချစ်တယ် ။ ကျွန်တော် အရုပ်မကို ချစ်တယ် ။

သူ ခင်ဗျားကို ချစ်တယ် ။ ကျွန်တော် သူမကို ချစ်တယ် ။ သူ အရုပ်မကို ချစ်တယ် ။ ကျွန်တော်

သူမကို ချစ်တယ် ။ အရင်လိုပဲ ပြုံးနေပါ ။ သူ့ကြောင့် သူမ စိတ်ညစ်သွားပြီလား ။ ကျွန်တော်

ပြန်မရုပ်သိမ်းပေးနိုင်ဘူး အရုပ်မ ။ သူ အခန်းကျဉ်းလေးထဲက ပြူတင်းပေါက်တွေ တွန်းဖွင့်လိုက်တယ် ။

ကျွန်တော် ခင်ဗျားကို အသက် ၀၀ ရှူစေချင်တယ် ။ လိုက်ခဲ့ အရုပ်မ ၊ လိုက်ခဲ့ ။ သူ သူမကို

ကမ္ဘာအသေးစားလေး တစ်ခုထဲ ဆွဲခေါ် ရှင်သန်စေဖို့ သိမ်ငယ်စွာ တွေးတောနေတယ် ။

အရုပ်မ ပြတိုက်ထဲကနေ ကပိုကရို ၊ လှလှပပလေး ထွက်လာတယ် ။ ကျွန်တော့်နား ရောက်လာတယ် ။

သူ ဘယ်လို ခံစားမှုမျိုးနဲ့မှ နှိုင်းယှဉ်မရအောင် တလှပ်လှပ် ပျော်သွားတယ် ။ လာပါ အရုပ်မ ၊

ကျွန်တော့်နား လာပါ ။ သေးငယ်သိမ်နုပ်တဲ့ ကမ္ဘာအသေးစားလေးထဲ ပျော်ဝင်လှည့်ပါ ။

သူမ သူ့အနား ရောက်လာတယ် ။ လက်ထဲမှာ ကျစ်ကျစ်ပါအောင် ဆုပ်ထားတဲ့ ဓားတစ်ချောင်း နဲ့ ။

အရုပ်မ မထေမဲ့မြင် ပြုံးလိုက်တယ် (ထင်တယ်) ။ ကျွန်တော် တစ်ခုခုကို စိုးရွံ့စွာ ဘုရား “တ” မိလိုက်တယ် ။

ရင်ဘတ်ထဲမှာ ပူခနဲ ။ သူ့နောက်ကျောဘက်က (သူမကိုယ်တိုင်) နှုတ်ခဲ့တဲ့ ဓားနဲ့ ၊ သူ့ရင်ဘတ်ကို

(သူမကိုယ်တိုင်) ထိုးစိုက်ပစ်လိုက်တယ် ။ ပြီးသွားပါပြီ အရုပ်မ ။ ပြီးသွားပါပြီ ။ ခင်ဗျား တိုက်ခဲ့တဲ့

ကျိန်စာအတိုင်း ကျွန်တော် ခင်ဗျားပြတိုက်ရှေ့မှာ စောင့်တဲ့ အရုပ်တစ်ခု ဖြစ်နေပါပြီ ။

လာရာလမ်းအတိုင်း ကပိုကရို ၊ လှလှပပလေး ပြန်ဝင်သွားပါ ။ သူမရဲ့ ပြတိုက်ရှေ့မှာ သူ အရုပ်တစ်ရုပ်

အဖြစ်နဲ့ အမြဲ ရှိနေမှာ သေချာပါတယ် ။ ကျွန်တော် ကတိပေးပါတယ် အရုပ်မ ။ ခင်ဗျားရဲ့

ပြတိုက် ဂေဟာ ရှေ့မှာ အမြဲ ရှိနေမယ် ဆိုတာ .......................... ...... ။




ဆူးခက်မင်း


Saturday, July 3, 2010

ပူစပ်ပူလောင် အက်ဆေး

အပူချိန်တိုးနေတဲ့ စာရွက်စာတမ်းတွေ ၊ ထာဝရ လွတ်မြောက်ရာ ၊ အပူချိန်တိုးနေတဲ့

ညနေခင်း ။ ဈေးကြီးပေးဝယ်ထားရတဲ့ ၊ ငန်းတစ်ကောင် ။ အဆုံးသတ် သေခြင်းတရား ။

တရားသော သေခြင်း ။ ဓာတ်လှေကားအစွန်းမှာ ၊ နှင်းဆီတစ်ပွင့်ထိုးပါ ။ လျှပ်စစ်မီး

အကြောင်း ဝေဖန်/အတင်းပြော ခြင်း မပြုရ ။ မျက်လုံးမှာ မြင်နေရတယ် ။ အမှားတွေ ။

အမှားတွေ ။ မြင်နေရတဲ့ အမှားတွေ ။ ကုန်ခမ်းနေတဲ့ အားအင်တွေက ပဲ့တင်သံကို အလို

မတူပဲ ကားတင်ပြေးသွား ။ လိမ္မော်ရောင် ၊ လိမ္မာသယောင်ယောင် ။ ချဲ့ကားပြောဆိုခြင်း

သည်းခံပါ ။ ခြေမတစ်ချောင်း ၊ အကျိုးသက်ရောက်မှု ၊ တစ်သျှူးဂလင်းများ ။ အင်ဂျင်တစ်လုံး

ကဲ့သို့ ပုံမှန်လည်ပတ် ။ တံဆိပ်ခေါင်းကပ်မထားသော ပစ်စာ ။ ရသလား ၊ ရမိသလား ။

မိမိရရ ရမိသလား ။ မိမိရရ ၊ တခြားသူ ရရ ။ အီလက်ထရွန်းနစ် လူမျိုး ၊ လိမ်ညာမှု ။

ကြားလား ၊ မကြားတကြားလား ။ တန်ဂိုအက “က” တတ်လား ။ ၀က်သစ်ချပင်

အောက်ကို ကြွပါ ။ အလင်း မပွင့်တပွင့်/မလွတ်တလွတ် ။ ခေါင်းစဉ် ၊ သေချာ

စဉ်းစားပြီး ပေးမယ် ။ နားဆွဲ (သို့) နားလက်စွပ် (သို့) နားဖုန်းမြည်သံ ။

ကြာကူလီတစ်ပိုင်း ယောင်္ကျားရိုင်း ၊ ဒါမှမဟုတ် မျက်ခုံးကောင်းကောင်းနဲ့ ၀ံပုလွေ ။

လူငယ်ဘ၀မှာ လွတ်လွတ်လပ်လပ် ပျံသန်းပါ ။ ( အမှားနည်းနည်း တွေ့ခဲ့မယ် ၊

တွေ့ကောင်း တွေ့ခဲ့မယ် ) ။ စေ့စပ်ကြောင်းလမ်းခြင်းဆိုင
်ရာ တံခါးပေါက် ။

အ၀ါရောင် ရောင်ဝါတန်းများ ။ တိုး/ထိုး ထွက်နေ ။ အသက်အရွယ်အလိုက်

ကန့်လန့်ဖြတ် စီထားပါ ။ ကောင်းပြီ ။ နေရာကရော ၊ နေစရာကရော ။

အနည်းငယ် စူထွက်နေတဲ့ ရင်သားပေါ်မှာလား ။ အနည်းငယ် ကွေးဝင်နေတဲ့

ထောင့်ဖြတ်မျဉ်းပေါ်မှာလား ။ အခု ခင်ဗျား သက်သက်သာသာ လှဲနေလိုက်ပါ ။

သက်သက်သာသာ ငိုကြွေးနေလိုက်ပါ ။ နေရောင်ခြည်စွမ်းအင် ၊ နိုက်ထရိုဂျင် ဓာတ်ငွေ့ ၊

လယ်စောင့်တဲ ။ အကွာအဝေးကို အရေးပေါ် တိုင်းတာဖို့ ။ ဒီနှစ်ထဲမှာ မနေ့ကဆိုတဲ့ကောင်တွေ

မျက်နှာပေါက် ဆိုးလာတယ် ။ မျက်နှာ ပေါက်/စို လာတယ် ။ အနီရောင် ဆေးလွန်မှု ။ အပေါက်တွေ

စိုလာတယ် ။ နှစ်လိုဖွယ်ရာ ကျဉ်းကျဉ်းကျုတ်ကျုတ် ကျုပ် ပြင်ဆင်ထားတဲ့ စားသောက်ဖွယ်ရာ

တစ်ခုခု လိုမလား ။ ကောက်ရိုးမီး ၊ သေနတ် ခပ်သေးသေးတစ်လက်နဲ့ ၊ မျက်လုံးနှစ်လုံးကြား

အပြင်ဘက်ကို တည့်တည့်ချိန် ။ နေမွန်းတည့်ချိန် ၊ ညဥ့်ဦးတည့်ချိန် ၊ ထိုနှစ်ချိန်၏ ကြား

အပြင်ဘက်မှ တည့်တည့်ချိန် ။ အချိန်သုံးပါး ငိုကြွေးပါ ။ နြူထရွန်တစ်လုံးကို ဓာတ်ပြယ်စေခြင်း

ဖြင့် ၊ နြူကလီယာဒြပ်ပေါင်း မဖြစ်ရန် ။ စီးပွားရေးဆိုင်ရာ သာမိုမီတာ အချက်အလက် ။

ရွက်လှေနဲ့ တိုက်ရမယ် ။ ဘိန်းဖြူ ၊ ၀င်ခွင့် ၊ မှတ်စု ၊ လွယ်လွယ်ကူကူ ။ အပူချိန်တိုးနေတဲ့ အက်ဆေး ။






ဆူးခက်မင်း