တူး ..
သရီး ..
ဖိုး ..
အက်ရှင် ..
ဝမ်း
တူး
သရီး
ဖိုး
အက်ရှင် ….
ပြုံးတယ် ။ မဲ့တယ် ။
ချစ်တယ် ။ မုန်းတယ် ။
ဆင်းရဲတယ် ။ ချမ်းသာတယ် ။
ရုပ်ချောတယ် ။ အကျည်းတန်တယ် ။
တက္ကသိုလ်တက်တယ် ။ အင်းလျားမှာ ထိုင်တယ် ။
ကားအကောင်းစား စီးတယ် ။
ဆိုက်ကားခ မရှိဘူး ။
ဒိုးနပ်တွေ စားတယ် ။
မုန့်လက်ကောက်သည်ကို မျှော်ငေးတယ် ။
ပိုက်ဆံတွေ အထုပ်လိုက် ရေတယ် ။
အကြွေတွေ လက်ထဲမှာ ကျစ်ကျစ်ပါအောင် ဆုပ်တယ် ။
ပျိုတိုင်း ကြိုက်တဲ့ နှင်းဆီခိုင် ဖြစ်တယ် ။
ငါးစိမ်းသည်တောင် လှည့်မကြည့်ဘူး ။
ဂူချီ လက်ကိုင်အိတ်လေးနဲ့ ။
ကြိုးပြတ်သွားတဲ့ လွယ်အိတ်အစုတ်လေးကို ပုခုံးမှာလွယ်လို့ ။
အဲ့ဒါ ၊ အဲ့ဒါ ။ ဘ၀တွေ ။
ဆန့် ကျင်ဘက်တွေ နဲ့ နေသားကျနေတဲ့ ဘ၀တွေ ။
တကယ့် ဘ၀ မဟုတ်ပေမယ့် ..
အဲ့ဒါ ငါ့ ဘ၀ ( တွေ ) လေ ။
ဝါသနာ နဲ့ ပါရမီကို ဦးထိပ်တင်ပြီး
ငွေကြေးနောက်ကို ကောက်ကောက်လိုက်ရင်း ..
ငါက သရုပ်ဆောင် တစ်ယောက်ပေါ့ ..
မီးတွေ မှန်တွေကြား ..
ငါ့ဘ၀ကို လင်းချင်းအောင် တည်ဆောက် ။
တည် / ဆောက် ။ တည် / ဆောက် ။
ဆောက်တည်ရာမဲ့ အနာဂတ်တွေ မေ့ ထား ရင်း ..
ငါက သရုပ်ဆောင်တစ်ယောက်ပေါ့ ..
ပရိုဂျူဆာတွေ ဖားတဲ့ ..
ဒါရိုက်တာတွေ ကြောက်တဲ့ ..
မီဒီယာတွေ စိတ်ကြိုက် ( ဖွလို့ကောင်းတဲ့ )
သရုပ်ဆောင်တစ်ယောက်ပေါ့ ..
ဟော .. ဟော .. ဟော .. ဟော ..
မီးတွေ မှိတ်တယ် .. မှန်တွေ သိမ်းတယ် ..
ငါလည်း အိမ်ပြန်ချိန်ရောက်ပြီ ..
ကဲ ..
ပရိသတ်တို့ ရေ ..
ဘိုင့် ..
ကဒ် !!!!!!!!
0 မှတ်ချက်များ:
Post a Comment