အစိမ်းကြေ

ဖန်ခွက်ကွဲစတွေ ကိုယ့်မျက်စိနှစ်ပါးစလုံးကို ခွဲချလိုက်သလိုမျိုး အကွဲစတွေ အက်ကွဲစတွေဆိုတာ မြင်မကောင်းရှုမကောင်းအောင် ဘာမှမကောင်းတော့သလိုမျိုး လာစိုက်နေတာ မျက်စိကို သူ/သား ငယ်အိမ်ကို လာစိုက်နေတော့ ဘာကိုမှ ကြည်ကြည်လင်လင် မရှိတော့သလိုမျိုး ဟိုဟာလုပ် လုပ်ပြန်ပြီ ဒီဟာလုပ် လုပ်ပြန်ပြီ ဘုရားစူးကျမ်းစူး ဖြစ်နေသလိုမျိုး ကွဲလိုက်ရှလိုက် ဘာမှကို ရစရာမရှိတော့အောင် ကွဲကြေနေတယ် ဆိုတာက တကယ်ကြီးကို ကွဲကြေနေလို့ ယောင်ယမ်းပြီး အား ခနဲ အော်ဟစ်ပစ်လိုက်မိတယ် ဆိုတာ ခင်ဗျားသိသလို ကျွန်တော်လည်း မသိဘူးဖြစ်နေတော့ ကျွန်တော်သိတာတွေကိုရော ခင်ဗျားမသိဘူးမဟုတ်လားလို့ မေးလိုက်ရင် မျက်စိထဲ ၀င်စိုက်နေတဲ့ ဖန်ကွဲစတွေက ဆစ်ခနဲ ထထကိုက်တော့ ကိုယ့်မှာ အကျယ်ကြီးပဲ ကြေကွဲမြည်တမ်းလိုက်ရတော့မလိုလို ရူးကြောင်ကြောင်နဲ့ တာမွေအ၀ိုင်းထိပ်သွားပြီး ကောက်ညင်းအရက်ပဲ သောက်လိုက်ရတော့မလိုလိုကို ဖြစ်ရော ဆိုတော့ အဲ့ဒါတွေကို ကိုယ်နာနာကျည်းကျည်း ချစ်နေမိတဲ့ မိန်းမတစ်ယောက် မသိပါစေနဲ့လို့ ဆုတောင်းမယ်ဆိုရင် ဆုတောင်းပြည့်ပါ့မလား ဆိုတာ ကိုယ်လည်းမသိဘူး ပုဇွန်တောင်က ကောင်မလေးလည်း မသိဘူး ကိုယ့်သူငယ်ချင်း ဇာတိလည်း မသိဘူး တာချီလိတ်က မာနရူးမလည်း မသိဘူး စုန်းတွေလား ကဝေတွေလား နတ်သမီးတွေလား အဲ့ဒါ ဘယ်လိုကောင်မမျိုးတွေလဲ ကိုယ့်အာရုံထဲမှာပဲ တ၀ဲလည်လည် ဘာကိုလိုချင်လို့ ၀ဲနေမှန်းကိုမသိ ကိုယ်လည်း မထွေးမဟုတ်တော့ ခက်တယ် ခင်ဗျားလိုချင်တဲ့အရာ ကိုယ့်ဆီမှာမရှိပါဘူးလို့ ထပ်တလဲလဲ/လည်း ပြောနေရတာပဲ ကိုယ်ကြေကွဲရတယ် ကိုယ်လဲကျသွားရတယ် လုံးဝ နာလန်မထူနိုင်တဲ့နေ့တွေမှာ ကိုယ်လဲကျသွားတာ သူမရဲ့ နာမည်အဟောင်းအနွမ်းလေးပေါ်ဖြစ်တယ် ဆိုတာ သတိထားမိလိုက်တိုင်း သူမရဲ့ ရနံ့တွေ အိပ်မက်ထဲ ပါလာတာတောင် ကိုယ့်မှာ အရမ်းကို နာကျင်ရပါတယ် ကိုယ်နာကျင်ရပါတယ် ဆိုတာက ကိုယ်တကယ်ကြီးကို နာကျင်နေရလို့ဆိုတဲ့အကြောင်း ကိုယ်လည်း မသိဘူး ဆိုတော့ ဘာဆက်လုပ်ရမလဲ ကိုယ်နာကျင်ရပါတယ် ။



ဆူး ခ က် မ င်း

09082011

နေရောင်ခြည်နဲ့အတူ ရှင်သန်ပါ နာ နာ နာ နာကျင်မှုတွေ

ရှင်သန်မှုဟာ ကြည့်လို့ကောင်းတဲ့ ပြဇာတ်တစ်ပုဒ်ပဲ ၊ ကောင်းကင်ဟာ ၁၀၉ ကြိမ်မြောက် ပြိုကျလာတယ် ၊ မင်း ဒီမှာလား ၊ ငါနဲ့ အတူတူပဲလား ၊ ကိုယ့်ရှင်သန်မှုကို သိမ်းဆည်းထားပါ ၊ ယဉ်ကျေးမှုစနစ်အမှားအယွင်းကြီးထဲ ခင်ဗျားနာမည်က အမှိုက်တစ်ခုဖြစ်နေတာ ၊ ကိစ္စမရှိဘူး ၊ အရေးကြီးကိစ္စစီစဉ်ထားတာ မရှိဘူး ၊ ဘုရားသခင် ပြန်လည်မွေးဖွားလာကြောင်း ခပ်ကျယ်ကျယ် အော်ဟစ်ပြောလိုက်စမ်းပါ ၊ ဒီတစ်ခုက ခင်ဗျားအတွက်ပဲ ၊ လိမ့်ဆင်းကျလာတဲ့ ကျောက်တုံးကျောက်ခဲတွေအတွက်ပဲ ၊ ရှင်သန်မှုမှာ တွန်းတိုက်မိသွားတဲ့ နတ်သမီးတွေ ၊ ယန္တရားစနစ်နဲ့ လည်ပတ်နေတဲ့ မိန်းမပျိုတွေ ၊ ကျေးဇူးပြုပြီး နားထောင်ပေးပါ ၊ အနာဂတ်ဟာ အာမခံစနစ် ထားရှိတဲ့ ကျည်ဆံတစ်တောင့်ပဲ ၊ ရူးသွပ်မှုတွေ ပျောက်သွားတဲ့တစ်နေ့ ၊ ခင်ဗျား ခပ်ကျယ်ကျယ်လေး အော်ပစ်လိုက်ဖို့ အချိန်ကောင်းပဲ ၊ ပျော်ရွှင်မှုတွေကို သတ်ပါ ၊ ဒီ့ထက်ပိုပြီး ဆူဆူညံညံလေး အော် ပစ် လိုက် စမ်း ပါ ၊ ကျွန်တော် မူးယစ်ဆေးတွေ မလိုပေမယ့် ၊ ခင်ဗျားလိုအပ်မယ်ဆိုရင်

စိတ်ကျရောဂါ ရောင်းပေးဖို့အဆင်သင့်ပဲ ၊ နံရံဟာ ခြေထောက်ရှစ်ချောင်းနဲ့ သတ္တ၀ါဆန်းတစ်ကောင် ၊ ဓာတ်ငွေ့ တွေ လွှတ်လိုက်တာနဲ့ ၊ သူတို့အားလုံး သေဆုံးသွားကြမယ် ၊ ကျွန်တော်တို့ လေးဘက်ထောက်ပြီး တွားသွားကြမယ်၊ ချစ်ခြင်းမေတ္တာကို လွယ်အိတ်ထဲ ဘေးတစ်စောင်း ထိုး ထည့် ၊ ကြမ်းပြင်နဲ့ တည့်တည့် X ၀င်ရိုး နေရာလောက်မှာ ပစ်ချထားလိုက်တယ် ၊ ပါးစပ် ပိတ်ထားပါ ၊ သီချင်းဆိုပါ ၊ နာ နာ နာ နာ နာကျင်မှုတွေဟာ ခင်ဗျားရဲ့  လုံခြုံရေးစနစ်ကို ချိုးဖျက်ဝင်လာမှာ ၊ အသေအချာပဲ ၊ ရန်သူတော်ကြီးတစ်ယောက်က ပလတ်စတစ်ဆာဂျရီ လုပ်ထားတဲ့ မျက်နှာအတုကြီးနဲ့ မိတ်ဆွေအယောင်ဆောင်လာတယ် ၊ ၀မ်းနည်းစရာကောင်းတာတစ်ခု ပြောပြမယ် ၊ ခင်ဗျားရဲ့  လက်ထဲမှာ ဂျပ်ဇ်ဂီတရှိကြောင်း ခင်ဗျား သိရဲ့ လား ၊ ခင်ဗျား ရူးသွားပြီ လို့ တခါတလေများ တွေးကြည့်မိဖူးသလား ၊ အိမ်မှာမွေးထားတဲ့ တိရစ္ဆာန်တစ်ကောင်ကောင်ကို နမ်းကြည့်မိဖူးသလား ၊ သတင်းအချက်အလက်တွေ လောင်ကျွမ်းပြာကျသွားပြီ ၊ အမှန်တရားဟာ ဒီမှာ ၊ အခုလက်ရှိဟာ အမှန်တရားပဲ ၊ ဒီ့ထက်သေချာတာ ကလေးငယ်တွေနဲ့ ကောင်းကင်ဘုံပဲ ရှိတယ် ၊ နီယွန်မီးရောင်အောက်မှာ ရပ်နေတဲ့ နတ်သမီးကို မေးပါ ၊ သူမဟာ ကမ္ဘာကြီးကို ပြောင်းလဲချင်နေတယ် ၊ ကျွန်တော်တို့ဟာ ကမ္ဘာကြီးကို ပြောင်းလဲချင်နေတယ် ၊ ဘယ်သူမှတော့ ပစ်စလက်ခတ် မသေချင်ကြပါဘူး ၊ တောင်းပန်မှုကို ငြင်းဆန်တယ် ၊ သေခြင်းတရားဟာ ပန်းတိုင်ပဲ ၊ ငယ်ရွယ်မှုတွေကို သယ်ဆောင်မလာခင် ကျည်ဆံအခွံတစ်ခုလို လွှင့်ပစ်လိုက်ပါ ၊ ဆဲလ်အသေတွေကို ၀တ်ဆင်ပါ ၊ ပိုကောင်းမယ့် ငရဲကို သွားလိုက်ပါ ၊ မောင်းခလုတ်ကို ဆွဲညှစ်လိုက် ၊ ကမ္ဘာကြီးနဲ့အတူ ခင်ဗျားလည်း လွင့်စင်ပေါက်ကွဲထွက်သွား ။



ဆူး ခ က် မ င်း

100820110826PM

ကဗျာဆရာ မဟုတ်သူ ရေးသည့် မဟုတ်တမ်းတရား ကဗျာ

ရွာဖို့ ရွယ်မှ ၊ မိုးက

ပြိုတယ် ။ ပျိုရွယ်စင် ရနံ့ တစ်ခု

နှာခေါင်းထဲ ၊ အလဲလဲ အပြိုပြို ။

တိုး / ၀င် ။

ဝင်တိုးလိုက် ၊ ၀င်တိုးလိုက် ။

ခင်ဗျားတော်ရင် ၊ ခင်ဗျားဖို့ ပဲ ။

တစ်ဘို့ တည်းတော့ ၊ မကြည့်နဲ့  ။

မြစ်ဆိုတာ အစုန်ရော အဆန်ပါ စီးတယ် ။

ပြောကြစတမ်းဆို ၊ ဒီတစ်ပတ်

၈၉ % ကံဆိုးတယ် ။

ဟုတ်တယ် ။ ခွေးစုတ်မလေးရဲ့  ။

ငါက ခဲတံ ။ မင်း စာတတ်ဖို့ 

ငါ့အား ၊ တစ်လွှာချင်း လွှာသွားလိုက် ။

နှစ်လွှာပေါင်းမှ တစ်ရွက်

လို့  ၊ ဘယ်သူပြောလဲ ။

စွယ်တော်တစ်ခြမ်းပဲ့မှာလည်း ၊ သူ့  မာနနဲ့

သူ ၊ တစ်ဝက်တိတိ ခမ်းနားတယ် ။

` အခမ်းအနား စတင် ဖွင့်လှစ်ကြောင်း ......... ´

လှစ်ခနဲ ပွင့်လာတဲ့ တံခါးတစ်ချပ်

လှစ်ခနဲ ဆွဲဖွင့်ကြည့်တော့

လှစ်ခနဲ မြင်လိုက်ရတဲ့ အရိပ်တချို့ 

လှစ်ခနဲ ပျောက်သွားတယ် ။

လှစ်မပြတော့ဘူး ။ သွေးနွေးရုံ ၊

အာစွတ်ရုံ ၊ နှစ်ပက်လောက် သောက် ။

နှစ်ပတ်လောက် မူး ။

` အတူဖြတ်သန်းခဲ့ကြတဲ့ နှစ်ပတ်လည်နေ့များ .... ´

နေ့ တွေများတယ် ။ များလာတဲ့

နေ့ တွေမှာ ၊ များလာတဲ့ အမှားတွေ

များများလာပြီး ၊ အမှားတွေ များတယ် ။

အမှားများတာတွေ များတယ် ။

အမှားများတဲ့နေ့တွေ များတယ် ။

များများလာတဲ့ အမှားတွေ ။

မှားမှားလာတဲ့ အများကြားမှာ

ငါကပဲ အမှားများတာလား ။

အများကပဲ ငါ့ကို မှားအောင် လုပ်တာလား ။

အများက မှန်တယ် ဆိုပါစို့  ။

အများမှန်ရင် ၊ အမြန်မှားတတ်လား ။

အမြန်မှားရင် ၊ အမှားမြန်တတ်လား ။

အမှားမြန်ရင် ၊ အမှန်များတတ်လား ။

( အမှားမြန်လို့ ၊ အမှန်များတာ ဖြစ်မယ် ။ )

ဟုတ်ကဲ့ ။

ဖျက်ရာ ပြင်ရာ မပါတဲ့ နေ့တစ်နေ့

ကို ၊ လျှောက်လှမ်းဖို့ 

ခင်ဗျား အိတ်ကပ်ထဲက ခဲဖျက်ကို

လွှင့်ပစ်ထားခဲ့ ။

ဖက်ကြမ်းတစ်လိပ် ၊ ဘီအီးတစ်စိတ်

လွယ်အိတ်တစ်အိတ် ၊ မျက်စိတစ်မှိတ်

` ဟပ်ချလောင်း ... ´

ကဗျာဆရာလို့  ၊ ပညတ်ထားတာ

အဲ့ဒါတွေကြောင့်လား ။

ဗီးဂတ်စ် သောက်တယ် ။ ဂရမ်း နဲ့

မှောက်တယ် ။ ကျောပိုးအိတ်

ကောက်လွယ် ။ သေချာတာပေါ့ ။

` ငါ .... ကဗျာဆရာ မဟုတ်ဘူး ... ´



ဆူးခက်မင်း

နှုတ်ဆက်ပါတယ် ချစ်ခြင်းမေတ္တာနဲ့ သေခြင်းတရား … သို့

ကမ္ဘာ့ ဆွဲအားက ငါ့အတွက် ပုံမှန်ထက် ပိုပြီး မများလွန်းဘူးလို့ ထင်ရတာပဲ ငါက ဘာလဲ ဘယ်သူ့အတွက် ဘယ်သူက ဖန်ဆင်းပေးလိုက်တာလဲ ပြေးစမ်း ခပ်ဝေးဝေးကို ပြေးစမ်း ဒါက မနေ့ကနဲ့ ခပ်ဆင်ဆင်တူနေတယ် တကယ်တမ်းကျ ဒါဟာ မနက်ဖြန်စစ်စစ်ဖြစ်တယ် ငါတို့သာ ခပ်မြန်မြန်ပြေးနိုင်မယ်ဆိုရင် ဒီနေရာကနေ ခပ်ဝေးဝေးတစ်နေရာအထိ ခပ်ကောင်းကောင်း ပြေးနိုင်မယ် ငါ့ရင်ဘတ်မှာ ကျည်ကာနှလုံးသားတပ်ထားတယ် ဟင်းလင်းပွင့်နေတဲ့ အပြုံးတစ်ခုနဲ့ မင်းနဲ့ ငါနဲ့ ဒီနေရာကနေ ပြေးထွက်သွားကြမယ် ဓာတ်ပုံဆန်တဲ့ အိပ်မက်တွေနဲ့ အိပ်မက်ဆန်တဲ့ ဓာတ်ပုံတွေကို မိုင်ပေါင်းများစွာ အဝေးမှာ ပစ်ချထားခဲ့ကြမယ် ဒီမြို့ထဲမှာ တွင်းတစ်ခု တူးခဲ့ကြမယ် စကားလုံးပေါင်း မြောက်များစွာနဲ့ ဘလိတ်ဓားပေါင်း မြောက်များစွာကို မြှုပ်နှံထားခဲ့ကြမယ် ကျည်ဆံတွေကို ပွေ့ ဖက်ထားတဲ့ အဲ့ဒီမြို့ ကို ငါတို့ ပစ်ချထားခဲ့ကြမယ် အဲ့ဒါတွေကို ငါတို့ ထပ်တလဲလဲ လုပ်ဆောင်ကြမယ် သူတို့ ဘာများပြောနိုင်ကြမှာလဲ သူတို့ ဘယ်တော့များမှ အိမ်ပြန်လာနိုင်ကြမှာလဲ လူတိုင်းက မင်းပြန်မလာနိုင်တော့ဘူးဆိုတာ သိနေကြတာပဲ တစ်ယောက်ယောက်ကို ကယ်ဆယ်ဖို့ ငါ့ကို ခွင့်ပြုပါ ငါ့အခန်းတစ်ခုလုံးကို ကျည်ဆန်ရာဗရပွနဲ့ အလှဆင်ထားတယ် ငါ့ကို တရားချမနေနဲ့တော့ ဘာလို့လဲဆိုတော့ ငါ ဘာလုပ်နေတယ်ဆိုတာ ငါကိုယ်တိုင် ဂရုမစိုက်လို့ဖြစ်တယ် ငါ့ရဲ့ သိမှုထဲကနေ လွတ်ထွက်နေတာ ငါကိုယ်တိုင်ပဲဖြစ်တယ် အဆင်သင့်ဖြစ်ပြီလား ငါတို့ အသစ်တဖန် ပြန်လည်ဖြစ်တည်တဲ့ထိ စောင့်နေဦးမှာလား စာရွက်တွေက ပြောတဲ့စကားထဲမှာ မင်းဘယ်တော့ အိမ်ပြန်လာမလဲဆိုတာ အဓိကအချက်အလက် မင်းတကယ်ရော အိမ်ပြန်လာဦးမှာလား ဖွင့်ထားတဲ့တံခါးတွေက မင်းအတွက် အလဟဿပဲလား အမှန်တရားကို ဘယ်သူမှ မသိနိုင်ဘူး ဘုရားသခင် မင်းကို စောင့်ရှောက်ပါလိမ့်မယ် ငါ မင်းကို အရမ်းမုန်းတယ် ဆိုတဲ့စကားကို ဖြတ်နင်းသွားလိုက်ပါ မင်းက ငါ့ကို ကယ်ဆယ်မယ့်ထဲက တစ်ယောက် ဖြစ်ကောင်းဖြစ်လိမ့်မယ် အနက်ရောင်ကို မျှော်လင့်နေခြင်းဟာ တကယ်ကြီးကို အဆုံးသတ်တော့မယ် မင်းရဲ့  နှလုံးသားကို အမှောင်ထုထဲ ပစ်ချထားရစ်ခဲ့ပါ မင်းရဲ့ သွေးကြောမျှင်တွေကို အဆင့်အတန်းနိမ့်ကျစေလိမ့်မယ် ထားရစ်ခဲ့လိမ့်မယ် ဘ၀ကြီးတစ်ခုလုံးစာ မှားယွင်းမှုတွေထဲ ဖြစ်တည်မှုတွေကို ထားရစ်ခဲ့ကြရအောင် ငါတို့ ဘာများတတ်နိုင်ခဲ့လို့လဲ ကမ္ဘာ့ဆွဲအားဟာ မနေ့ကလိုပဲလား ငါတို့ ဆက်ပြေးနေကြတုန်းပဲလား ဘယ်အချိန်ထိ ဆက်ပြေးရမယ်ဆိုတာရယ် ပန်းတိုင်က ဘယ်တော့ရောက်မယ်ဆိုတာရယ် မသိဘဲ ငါတို့ ဆက်ပြေးနေကြတုန်းပဲလား ငါတို့ ရင်ဘတ်မှာ ၀တ်ဆင်ထားတဲ့ ကျည်ကာနှလုံးသားဟာ ဘယ်နှရာစုအထိ တည်မြဲမယ် ဆိုတာ … ။





ဆူး ခ က် မ င်း

110820111015PM

ဒီကဗျာမှာ လိင် ဆိုတဲ့ စကားလုံး တော်တော်သုံးထားတယ် ၊ ဖတ်ရမှာကြောက်ရင် ကျော်သွားလိုက်ပါ

၂၁ရာစုဖြစ်ပေါ်တိုးတက်မှုဟာ လိင်အရေးအသားကို စောင်း/ဇောင်းပေးတိုးတက်လာခဲ့ခြင်းဖြစ်မယ်ဆိုရင် လိင်အရေးအသားဟာ နေဖို့ညစာရှာတဲ့ လူမှုထုတ်ကုန်တစ်ခု သို့မဟုတ် မြီးကောင်ပေါက်မလေးရဲ့ ဂါဝန်စပေါ်က အနီရောင်သွေးကွက် .. လိင်အရေးအသားကို လူကြားကောင်းအောင်ထုတ်ထုတ်ပြောတဲ့ သူလည်း မီးမှောင်မှောင်မှာ လိင်အရေးအသားတွေစားတယ် လိင်အရေးအသားမှ သည် လိင်အရေးအသားသို့တိုင်အောင် လိမ်လည်လှည့်ဖြားကြ ..

လိင်အရေးအသားဆိုတဲ့အရာကို ယဉ်ကျေးမှုဆိုင်ရာ စကားလုံးတစ်ရပ်အဖြစ် ကျွန်တော်တို့ မိုက်မိုက်ရိုင်းရိုင်း သုံးစွဲကြပါစို့ ခင်ဗျားရဲ့  လိင်အရေးအသားဟာ မိန်းမပျိုတစ်ယောက်ရဲ့  တပ်မက်ဖွယ်ရာ လိင်အရေးအသားကို တွေ့ ရှိလိုက်တာနဲ့ တပြိုင်နက်တည်း လိင်အရေးအသားဖြစ်သွားတယ် ဆိုကြပါစို့ ကျွန်တော်တို့ လိင်အရေးအသားကို ဘယ်လို သတ်မှတ်ကြမလဲ ဘယ်လို တံဆိပ်ကပ်ကြမလဲ ပွင့်လင်းခြင်းလား ရိုင်းစိုင်းခြင်းလား လိင်အရေးအသားလား လိင်ဆက်ဆံမှုကို ပြုလုပ်ကြတဲ့ လူသားများဟာ စက်ဆုပ်ရွံရှာဖွယ် ဖြစ်သွားလား ခင်ဗျားတို့ရဲ့  လိင်အရေးအသားများရော မထကြွကြဘူးလား ဒါဆို လိင်အရေးအသားဟာ လူတိုင်းနဲ့ ဆက်ဆံပတ်သက်နေတယ်ဆိုတာ ခင်ဗျားဝန်ခံဖို့ လွယ်ကူသွားပြီမဟုတ်လား လိင်အရေးအသားမှာ လိင်အရေးအထားထကြွခြင်း လူငယ်ဆန်ဆန် လိင်အရေးအသားကို ပစ်ထုတ်လိုက်တဲ့အခါ လိင်အရေးအသား နှင့်ရေးထားထားသော လိမ်အရေးအသားများ လိင်အရေးအသားတည်ဆောက်ပုံအရ လိင်အရေးအသားပေါ်ရူးသွပ်တပ်မက်ခြင်း နှင့် လိင်အရေးအသားများပြုလုပ်ရာမှ လူနေမှုပတ်ဝန်းကျင် လူနေမှု ယန္တရားအပြင် လူတန်းစားခွဲခြားမှု ထို့ကြောင့် လိင်အရေးအသားဟာ လူတန်းစားဖြစ်ထွန်းအောင်မြင်မှု၏ အဓိကအပိုင်းဖြစ်လာသလို လိင်အရေးအသားပြုလုပ်ရာမှ သူရဲကောင်းများစွာမွေးထုတ်နိုင်သလို လိင်အရေးအသားမှ ကမ္ဘာကျော်ကဗျာဆရာ/မကြီးများစွာမှ အွန်လိုင်းကဗျာဆရာ/မများတိုင်အောင် မွေးထုတ်ပေးလိုက်သဖြင့် ထိုမှ ဒီမှ ထိုသူများကြားသို့ လိင်အရေးအသားများစွား စီးဝင်လာခြင်းကို လိင်အရေးအသားများစွာဖြင့် လိမ်လည်ကာကွယ်ကြရမည်မဟုတ်လား ဒီကဗျာမှာ လိင်ဆိုတဲ့ စကားလုံး ထပ်ခါတလဲလဲ ပါနေပြီလား အစောကြီးကတည်းက လိင်နဲ့ပတ်သက်ပြီး လိင်အရေးအသားတွေ ရေးမယ်ဆိုတာ ကြိုသိခဲ့ရင် / လိင်ကိစ္စကို အရှက်အကြောက်ကြီးမယ်ဆိုရင် ဖတ်ဖြစ်ခဲ့မှာမဟုတ်ဘူးလို့ နောင်တရနေပြီထင်တယ် ဒီလိုပြောလိုက်လို့ လိင်အရေးအသားဟာ လိင်အရေးအသားကို လိင်အရေးအသားဖြစ်လိုက်ရင် လိင်အရေးအသားပေါင်းမြောက်မြားစွာ ပေါ်ထွန်းထွက်ပေါ်လာမယ်လို့ ခင်ဗျားထင်ရင် မှားမှာပေါ့ ခင်ဗျားရဲ့  ချစ်သူဟာ ခင်ဗျားရဲ့  လိင်အရေးအသားကို ထိတွေ့ မယ် ဆိုပါစို့ ခင်ဗျားရဲ့ လိင်အရေးအသားမှာ လိင်အရေးအသားတွေ ထွက်လာမှာအသေအချာပဲမဟုတ်လား ဒါကို ခင်ဗျားက ခင်ဗျားရဲ့  လိင်အရေးအသားမှာ လိင်အရေးအသားတွေ ထွက်မလာပါဘူးလို့ ညာမယ်ဆိုရင် ခင်ဗျားကိုယ်တိုင်ကို ညာတာဖြစ်သလို လိင်အရေးအသားကို စိတ်ဝင်တစားဖတ်နေတဲ့ လူထုတစ်ရပ်လုံးကို လိမ်ညာပစ်လိုက်ခြင်းပဲဖြစ်လိမ့်မယ် လိင်အရေးအသားကို လိင်မှုကိစ္စမှ နောက်လိင်မှုကိစ္စသို့ အသွင်ပြောင်းလဲလိုက်ရာ လိင်အရေးအသားသည် ပိုမိုကြီးကျယ်ခမ်းနားသော လိင်အရေးအသားအဖြစ် ပြောင်းလဲလာသည် ခင်ဗျားရဲ့ လိင်အရေးအသားဟာ ခင်ဗျားနှင့်သက်ဆိုင်သော လိင်အရေးအသားတော်တော်များများဆီကို လိင်အရေးအသားအဖြစ်ရောက်ရှိသွားတဲ့အခါ လိင်နေမှုအဆင့်အတန်း လိင်နေမှုအထားအသို လိင်နေမှုအလွှာ လိင်ငတ်မွတ်ခေါင်းပါးမှု ထို့အတူ လိင်ကူညီမှုများပေါ်ပေါက်လာရန်ရှိသဖြင့် ခင်ဗျားရဲ့ လိင်အရေးအသားကို လိင်အရေးအသားမဖြစ်ပေါ်စေရန် သို့မဟုတ် မိမိတစ်ကိုယ်တည်း လိင်အရေးအသားအဖြစ်သို့ ပြောင်းလဲအသုံးပြုနိုင်စေရန် လိင်အရေးအသားများစွာ ၀ယ်ယူအသုံးပြုခြင်းဖြင့် ခင်ဗျားရဲ့ လိင်အရေးအသားမှာ ကျုပ်ပြောခဲ့သလို လိင်နေမှုအဆင့်အတန်းခွဲခြားမှု ပပျောက်ရေး အစီအစဉ်ကို အကောင်အထည်ဖော်ရာရောက်ပါလိမ့်မယ် ။



ဆူး ခ က် မ င်း ၊ေ မာ င် မိုး ချို

140820111230AM

နေမပူ ၊ ရင်ပူ ၊ မြေပဲတစ်စိ ၊ ပြောင်းတစ်စိ

*NAY*

မပြစ်မှားဘဲ ဆုတောင်းနေခဲ့ .... ရာသီဆာ(စာ)

ဆားမပါတဲ့ညက ပြူတစ်ပြူတစ်

ဝေလငါးတစ်ချို့ / တစ်ကောင် / တစ်လုံး

ကြက်ဖခွပ်တမ်း ကစားနေသော မနက်၌

"ငါသည် သူတလူ ငါတမင်း ကာဗျအား ရွတ်/ရှလွတ်"

ညီနောင်တို့ ..... သခင်မျိုးဟေ့ ဒို့ဗမာ / မြန် .... မာ

ငါ့အလှည့်ရောက်ပြီး ငါ ဆိုတဲ့ ပြဌာန်းချက်

သိဒ္ဓိတင်ဖို့ မေ့ခဲ့ပြီး ..... Don't Stop, Go On !



*LPA*

ဈေးနှုန်းအမှန် ဘယ်လောက်လဲ ဆိုတာ ကြည့်သင့်တယ်

တိမ်တွေကို မျှောချထားတဲ့အရောင်

ငါမင်းကိုပြောမယ့် အရာ ဆိုတာ

အဲ့ဒါကို ငါတို့ကြိုက်တာ

Pillow Talk ခေါ် ခေါင်းအုံးပေါ်က စကားများ

မဟုတ် ။



*TSW*

ဆူညံညံအသံများထဲ လွှမ်းအောင် အော်အော်ပြောရ

ပယင်းရောင်လွှမ်းတဲ့ခွက် ကိုယ်စီ ကိုယ်စီ

တူတစ်စုံနဲ့ အတင်းကော်ရတဲ့ မြေပဲတစ်စိ ပြောင်းတစ်စိ

ပြောကြည့်စမ်း မင်းနားထောင်ချင်တဲ့စကား

စိန်ခေါ်ရာ အတင်း ပြေးလိုက်မယ် တိမ်ပေါ်မဟုတ်

Side Road မှာရှိတဲ့ သုခဆိုင်ထဲ



*KTM*

ညောင်းညာ / ကိုက်ခဲ / ထုံကျင်

ဒါတွေအားလုံး "အမှု"တွေ "ပြဿနာ"တွေ

“အနိစ္စ” ကွယ်ပျောက်ခြင်းသဘော

“အနတ္တ” မတည်မြဲခြင်းသဘော

သို့လော .. သို့လော

“မိုး” ရွာနေ ၊ “နေ” မပူ ၊ “ရင်” မပူ

ဘေးမှာ ချစ်သူ

“ကြောင့်” ၊ “မဟုတ်” ၊

“ကြောင့်” ၊ “ဟုတ်”

“၏” သည် “ယမကာ”

“မိုး” ရွာ၏ ။

“စိတ်” ရွှင်၏ ။

“ကြွေး” “ကြော်” ၏ ။

အိုဘယ့် …..

“ယမထာ ရွှေကြိမ်လုံးရယ်နဲ့

ထွန်တုံးကိုတဲ့ ….

နောက်တစ်နေ့အတွက်

ပျိုး ရ ဦး မယ် …. ”



*MTO*

ဝိညာဉ်မဲ့တဲ့ လက်တစ်ဖက်

မှိတ်တုပ်တုပ် လတစ်ခြမ်း

မရောက်တော့တဲ့ ပြဇာတ်

မကျက်တကျက် အလွမ်းတွေထဲ

အားလုံးဟာ စိတ်နဲ့ထိတွေ့  ခံစား သိမြင် ပျော်ရွှင် ခံစား ကြေကွဲ

…………… ဒိတ်ခနဲ ပျော်ဝင်နေပါတယ် ………….



*ZYL*

ဘ၀တွေ လိုအပ်မယ် ထင်လို့

ဘ၀တွေ ၀ယ်ဝယ်စုခဲ့တာ များပြီ

ဘ၀ကို မဟာဘုတ်တိုင်ထူကာ

စပိဘုတ်ကိုစီးကာ ထွက်ခဲ့ပြီ

ဖွတ်ချက် ဖွတ်ချက် ဖွတ်ချက်

အခု သွားနေတုန်း လာမယ့်ဘေး

ဘေး ခဏ ဖယ်

တံဆိပ်ကပ်ထားတဲ့ ဈေးနှုန်းတွေ

ခွာကြည့်မယ်ဆိုရင်

ဘ၀ဟာ သုညတစ်လုံးပဲလွဲတယ်



*-Z*

လွဲ၏ အကြိမ်တစ်ထောင်တစ်သောင်း ( ဒီ့ထက်ပိုမယ် )

လောင်း၍ ။ ပြောရဲသည်/ဟောရဲသည်

စိတ်နဲ့ခန္ဓာကြားက စကားသံ / စကားပြော

အက္ခရာ ။ နေ့နဲ့နေ့ကြား ပေါ်လာ ၊

ယနေ့နဲ့ ယနေ့ခြင်းထပ်တဲ့ကြားက

အဖော်ဆိုတာ ပေါ်လာ / Aphaw ဆိုတာ ပေါ်လာ

ဒီထက် ပြောဆိုခြင်း စိတ်မှတ်အသိများလာ

ထင်တစ်လုံးစိတ်နဲ့ တိုင်းတာတာတွေ / ရိုင်းလာ

တာတွေ ။ သိပြီ ။ အသိအားကွန့်သော စကားလုံး

တွေ / တွေဝေ ၊ မှိုင်းမိ ၊ မှိန်းမော ၊ မူးမော ၊

မိုက်မာ ၊ မာန်မဲ ၊ မေ့မိ ။ ဟုတ်တယ် မေ့မိ

မလိုနဲ့ အမေ့တရားအား သတိထားရတာတွေ /

သိထားရတာတွေ ။



*SKM*

သုညတစ်လုံးဟာ ကြားခံနယ်ထဲမှာ ပိတ်မိနေ

ဖွင့်မိနေ // တဲ့ // တံခါးတစ်ချပ်ဟာ တစ်ချက်ချက်

မြည်နေသော နာရီအိုတစ်လုံး အချိန်မှန်ခြင်း

မမှန်ခြင်းဟာ ပညတ် ၊ အဖြစ်အပျက်တွေ အားလုံးကို

လေဟာနယ်ထဲ လွှင့်တင် လွှတ် ပစ် လိုက် တယ်

ကမ္ဘာကြီးဟာ ဘယ်နှစ်ဒီဂရီ တိမ်းစောင်းခဲ့

ကျွန်တော်တို့ အမှား ဘယ်နှစ်လက်မစာ ကျူးလွန်ခဲ့

ချစ်ခြင်းမေတ္တာနဲ့ ယေဘုယျတရားကြားမှာ

ဆင်းရဲမွဲတေခြင်းဟာ ဓားစာခံဖြစ်သွား ။

ကျွန်တော်တို့ ဘယ်လောက်သောက်ခဲ့ကြတယ် ။

ကျွန်တော်တို့ ဘယ်လောက် ပလပ်ကျွတ်ကြမယ် ။

ရူးသွပ်ခြင်းဟာ လက်တစ်ကမ်းမှာ ။

ကဲ ……. ပန်းကုံး ထ စွပ် လိုက် ပါ ။





*ACN*

မပြောတော့ပါဘူး ဆိုလိုတာက

နာမည်တစ်ခုကို တိုးလိုတိုး ကျယ်လိုကျယ်

နားဖျားတွေကို လျှာဖျားတွေကို အကြိမ်ကြိမ်

မိုးရွာသလား နေပူသလား အလျားရှည်သလား

သုညကိုသိသလား အားလုံးကောင်းပါတယ်

အခုသောက်တဲ့ ရမ်လည်း ကောင်းပါတယ်

နေကောင်းပါတယ် / နေလို့ကောင်းပါတယ်

နေ၍ကောင်းပါတယ်

နဖားကြိုးထိုး၍ အရာအားလုံး အခု ခဏထား

ဆားနဲ့သကြားပါလည်း (၆) နာရီ

မပါလည်း အဲ့သည့်ဆီက (၆) နာရီ

ရွှေဗဟိုရ်စည်သံများကိုလ မကြားရ ကြာချေပြီ ..

ယ ခု ရာ သီ …. ။



*PTG*

ကျွန်တော် ဒီလမ်းမှာ ထပ်ပြီးစောင့်လိုက်ဦးမယ်

မင်းထက်ရေ .. ငါစောင့်လိုက်မယ်

နေမိုးဝေရေ .. ငါ စောင့်လိုက်တော့မယ်

ဒီသုံးရာသီမကုန်ခင် ငါ စောင့်လိုက်တော့မယ်

တခါက ဒီလမ်းမှာ ပန်းတွေ ပွင့်

FTSOL တို့ရေ … ငါ စောင့် လိုက် တော့ မယ်

မနေ့ကအထိ ၊ ဒီနေ့အထိ

ဘ၀ကို လော့ခ်မချခင်အထိ

သော့မပိတ်ခင်အထိ

သူငယ်ချင်းတို့ ရေ ……..

ဆရာအောင်ချိမ့် ပြောသလိုပဲ

ငါေ စာ င့် လို က်ေ တာ့ မ ယ် ။



ဏီအဲY ၊ လင်းပျိုးအိမ် ၊ သဲစုဝေ ၊ ကျော်သူမြင့် ၊ မောင်သက်အိုး ၊ ဇော်ရဲလေး ၊ -ဇော် ၊ ဆူးခက်မင်း ၊ အောင်ချမ်းငဲ ၊ ဖိုးသင်္ကြန်



FTSOL



၁၉/၈/၂၀၁၁/သောကြာနေ့ ။



PS. ဆရာသစ္စာနီ A.F ၌ “ပြင်သစ်မော်ဒန်ကဗျာနိဒါန်း” ဟောပြောပွဲ အမှတ်တရ