Pages

Subscribe:

Thursday, February 4, 2010

မိချမ်းမွန် ဖတ်ဖို့

မိချမ်းမွန် ဖတ်ဖို့



ငါတို့ အိမ်လေးမှာ ၊ ကာလံဒေသံ
မကွဲပါဘူး ၊ မိချမ်းမွန် ။
၁၂ ရာသီပတ်လုံး ၊ တလုံးလုံး ထနေတဲ့
ဖုန်မှုန့်တွေရယ် ။
နွေရာသီ ရောက်တိုင်း ကျနေကျ ချွေးစက်တွေရယ် ။
ကိုယ့်ခြေမကိုယ် ပြန်ပြန် ငုံ့ကြည့်နေရတာကလွဲလို့
ငါတို့ အိမ်လေး ၊ ပျော်နေပါတယ် မိချမ်းမွန် ။

မနေ့က ၊ မိုးတွေ ရွာတယ် မိချမ်းမွန် ။
တိတိပပ ပြောရမယ် ဆိုရင် ။
လေးနာရီကြာ ရွာတဲ့မိုး ။
လွမ်းလိုက်တာကွယ် ။
စီးကရက်တိုတွေရယ် ၊ စက်မှု (၁) ကားမှတ်တိုင်ရယ် ။
လက်ထဲက ( ............ ) ရယ် ။
မလွမ်းကောင်း လွမ်းကောင်း ၊ လွမ်းလိုက်တာကွယ် ။

ငါတို့ အိမ်လေး ၊ မိုးမိသွားသလား ။
မသေချာဘူး ၊ မိချမ်းမွန် ။
သေချာတာတော့ ၊ ငါ့ အခန်းစုတ်လေးထဲမှာ
နင် ခြွေချလိုက်တဲ့ ၊ ကြယ်အပဲ့တွေ
ဟို တစ်စ ၊ သည် တစ်စ နဲ့
ငါတို့ အိမ်လေး ၊ မီးမထွန်းပဲ လင်းတယ် မိချမ်းမွန် ။

မနေ့နဲ့ ဒီနေ့မှာ ၊ မနက်ဖြန်အတွက်
လည်ပတ်ရင်း ၊ မဆီမဆိုင်
နင့် သွားတက်လေးကို ၊ သတိရတယ် မိချမ်းမွန် ။
ဟုတ်ပါတယ် ။ ငါက လည်လွန်းလို့ ရပ်သွားတဲ့ ဘီး ။
နင့် ရှေ့ မှာ ၊ ဒူးအစုံ ထောက် ။
လည်စင်းပေးခဲ့ပေမယ့် ၊ နင်က ငါ့ ဂုတ်ပိုးကို
ဖြည်းဖြည်းချင်း သပ် ၊ မခိုးမခန့် ရယ်နေခဲ့သေးတာလေ ။
အဲ့လိုကြီးတော့ ၊ ငါ့ကို မသနားပါနဲ့ မိချမ်းမွန် ရယ် ။
ငါက ခွေးတစ်ကောင်နဲ့ သိပ်မထူးတော့သလို ။
နင့် လက်နဲ့ သပ်ချလိုက်တိုင်း
အကြောတွေဆိုင်း ၊ အသာလေး ၀ပ်ချလိုက်ရလောက်အောင်
ငါ အဆုံးစွန်ဆုံး နူးညံ့သွားတယ် မိချမ်းမွန် ။

ဒီလိုပါပဲကွယ် ။
တစ်သက်နဲ့တစ်ကိုယ်တော့
ဝဋ်အကြီးကြီး လည်တယ် ။

0 မှတ်ချက်များ:

Post a Comment