အိပ်မက်ချင်း ပေါင်းကူးကြသော ငါတို့  ဒီည

အို၊ နာ၊ သေ ဘ၀က ကျွတ်ထွက်
အို၊ နာ၊ သေ ဘ၀က ပြန်စ
အစတော့ဖြစ်လာခဲ့၊ အဆုံးတော့ မျှော်လင့်ချက်တစ်ခု
ထို ထိုသော အကြား၌ ခင်မင်ခဲ့သော
အတိတ်က ရက်စွဲများကို
တမ်းတ၊ တမ်းတ၊ ထိုတမ်းတခြင်း
အရိပ်မှာ ပျော်ရွင်ခြင်း မျက်ရည်စများ

သတိရတိုင်း ၊ ဖန်ခွက် နှစ်ခု
ထ ထ တိုက် တယ် ။ ရေခဲတုံး ၊
ဝါကျင့်ကျင့် အရည် ၊ ဖန်ခွက် ၊
စကားလုံးများ ၊ ရယ်မောသံ ။
ဒီလိုနဲ့ ၊ ကျွန်တော်တို့  ..
တစ်ယောက်လည်ပင်း တစ်ယောက် ၊
ကြိုးကွင်းစွပ် ၊ ရင်ဘတ်ချင်း ကပ်တဲ့ထိ ၊
ဆွဲစေ့ခဲ့ကြ ။
ရင်ဘတ်တွေ ဆွဲစေ့ရင်း ၊ ဖန်ခွက်တွေ တိုက်လိုတိုက် ။
ဖန်ခွက်တွေ ဆွဲစေ့ရင်း ၊ ရင်ဘတ်တွေ တိုက်လိုတိုက် ။
ကိုယ့် ၀ါဒနဲ့ သူ့ ဝါဒ ၊ မတော်တဆ ၊ ထထ တိုက်လိုတိုက် ။
နောက်တော့လည်း ၊ တစ်ယောက်ပုခုံး တစ်ယောက်ဖက် ။
မြောက်ဥက္ကလာကို ပြန်ကြစို့  သူငယ်ချင်း ။

ရင်ခုန်သံတွေပါတယ်၊ ပြိုးပြိုးပြက်ပြက်မီးရောင်တွေပါတယ်
ကာဗျ ဆိုတာပါတယ်၊ ဟော ... လွင့်လာပြီ
လွင့်လာကြပြီ
အမည်းရောင်လေထုထဲက အမည်းရောင် ပိတ်ကားစများ
နှုတ်ခမ်းက ဆေးလိပ်ကို ဆာကေးနဲ့သတ်ကာ
မရှုမလှရီဝေနေသော လောကသားတွေကြား
ငါလဲ အလိုတူ၊ ဟေ့ကောင်၊ ဟေ့ကောင်
ရီဝေနေတဲ့ မြူးဇစ်ကြား
လွင့်ကာလွင့်ကာလွင့်ကာ
ချီတတ်လာခဲ့တယ်
မြို့ပြ ညတွေကြား ...... ဆို ... မူး ......

ဘ၀နှစ်ခု မှာ ၊ ရင်ဘတ်နှစ်ခု
စီးချင်းထိုးကြ ၊ ( 2 + 1 ) တစ်ယောက်တစ်ခွက်နဲ့ 
နှစ်ယောက် တစ်အိပ်မက် ဆက်မက်ကြ ။
မန္တလေး တစ်ဘူး ၊ ကွမ်း နှစ်ရာဖိုးနဲ့  ။
ငါတို့  အိပ်မက်တွေက ခမ်းနားတယ် ။
ရှစ်မိုင်ညတွေမှာ ၊ ငါတို့  အတူ ကခုန်ကြ ။
မူးမူး မမူးမူး ၊ ငါတို့ စကားတွေ အဓိပ္ပါယ်ရှိစွာ ဖောင်းပွကြ ။
ရူးလိုက် မူးလိုက်နဲ့ ၊ အရူးအမူး ၊ မူးရူးလိုက်ကြ ။
ကဲ .... သူငယ်ချင်း ။
ဒီည ငါတို့  အိပ်မက်ချင်း ပေါင်းကူးကြမယ် ။

ဏီအဲY နှင့် ဆူးခက်မင်း ပေါင်းရေးသည်။