အရွယ်လွန် တစ်ယောက် ငိုနေသည်

အထီးကျန်ခြင်း ၊ ဆိုတဲ့
နတ်ဆိုးတစ်ပါး ၊ ငါ့ ၀ိညာဉ်ကို
သိမ်းပိုက်ပစ်လိုက်တယ် ။

…………… G ……………
…………. O …………….
……….. O ………………
……… D ………………..
……………………………
……………………………
………… B …………….
……………. Y………….
………………… E ……..
…………………………….
……………………………..

နားထဲ ၊ ငှက်ဆိုး တစ်သိုက်
ဝင်မွှေသွားသလိုပဲ ။

ဂွတ်ဘိုင် ဆိုတဲ့ ၊ စကားနှစ်လုံး
နဲ့  တင် ၊ ငါ့ ဘ၀ တစပြင် ဖြစ်ခဲ့တာ ။

ဘယ်လောက်နာကျင်ရတယ်ဆိုတာ ၊
မပြောချင်ဘူး ။
ဘယ်လောက်နာကျင်နေပါစေ ၊
မငိုချင်ဘူး ။
ငါ ဆိုတဲ့ ကောင်က ၊ ငိုဖို့ အတွက်
အရွယ်လွန်ခဲ့တာ ၊ ကြာပြီလေ ။


ငါသိခဲ့တယ် ၊ ငါသိနေတယ် ။
မင်း ၊ ငါ့ကို ၊ နမ်းနေတုန်းပဲ ။
ငါ ၊ မင်းကို ၊ နမ်းနေတုန်းပဲ ။
အခြားတစ်ယောက်ရဲ့  ၊ နှုတ်ခမ်းတွေ အစား ။
မင်း ၊ ငါ့ကို ၊ အစားထိုးခဲ့တယ် ။
ငါ ၊ မင်းကို ၊ အစားထိုးခဲ့တယ် ။
ကိုယ်ပိုင်ဆိုတာ ၊ ဘယ်မှာလဲ ။
ကိုယ်ကိုယ်တိုင်တောင် မပိုင်တဲ့ နောက် ။
မင်းကို ငါ ၊ ငါ့ကို မင်း ၊ မပိုင်ဆိုင်ချင်နဲ့ တော့ ။

မင်း မပါပဲ ၊ သောက်ရတဲ့
ကော်ဖီတစ်ခွက် ။
ဆူးတွေ မြိုချနေရသလိုပဲ ။
တဆစ်ဆစ်နဲ့ ၊ ရင်ထဲက ၊ အောင့်တယ် ။
ဒါပေမယ့် ၊ ငါ မငိုခဲ့ပါဘူး ။
ငါဆိုတဲ့ကောင်က ၊ ငိုဖို့အတွက်
အရွယ်လွန်ခဲ့ပြီလေ ။

ဘာမှ မထူးဆန်းသလို ၊ မင်း
ထွက်သွားတယ် ။
ဘာမှ မထူးဆန်းသလို ၊ မင်း
ထားခဲ့တယ် ။

အဲသည့် နေ့က ၊ ငါ ပြောဖို့ 
ကြိုးစားခဲ့တယ် ။
ချစ်တယ် ဆိုတဲ့ စကားကိုပေါ့ ။
မင်း ထွက်သွားတဲ့နေ့ ။
ငါ ဖွင့်ပြောဖို့  ဆွံ့ အခဲ့တဲ့ နေ့ ။

အဲသည့်နေ့ က ၊ ကြယ်မလင်းဘူး ။
ဖယောင်းတိုင်မီးညွန့် တွေ ၊ မလှုပ်ခတ်ဘူး ။
လမ်းထိပ်အုတ်ခုံမှာ ၊ ဂစ်တာသံ မကြားရဘူး ။
ပလာဇာမှာ ၊ လူမစည်ဘူး ။
ငါ့ အိမ်လေးထဲမှာ ….
ငါ တစ်ယောက်တည်း …
လူမစည်ဘူး ၊ ဂစ်တာ မတီးဘူး ။
ဖယောင်းတိုင် မထွန်းဘူး ။
ကြယ်မလင်းဘူး ။
အမှောင်ထဲမှာ ၊ တိတ် ဆိတ် ငို ရှိုက် ။

မမေ့နိုင်ဘူး ချစ်သူ ။
မေ့ဖို့  ကြိုးစားရင်း ၊ မေ့ပျောက်ပစ်ဖို့ ကို
မေ့ မေ့ လာ တယ် ။
နာကျင်တာတွေကို မေ့သွားတယ် ။
ငိုခြင်းတရားကို မေ့သွားတယ် ။
ဒိုင်ယာရီထဲက တစ်သျှူးအဟောင်းလေးကို မေ့သွားတယ် ။
စက္ကူငှက်လေးတွေကို မေ့သွားတယ် ။
မေ့ရင်း ၊ မေ့ရင်း … … …
မင်းကို မေ့ပစ်ဖို့  မေ့သွားတယ် ။

ဒီလိုနဲ့ပဲ ….
ငါဆိုတဲ့ ကောင်က ..
ငိုဖို့ အတွက် အရွယ်လွန်နေပါလား …
ဆိုတာကို ….
မေ့သွားတယ် …


အောက်တိုဘာ ၁ ရက် ၊ ၂၀၀၉ ။